ХҮҮХДИЙН ЗУСЛАНГИЙН 11-Р ОЛОН УЛСЫН ИХ ХУРАЛ БОЛЛОО

2017 оны 10-р сарын 06-ны өдрөөс 10-р сарын 16-ныг хүртэл Оросын холбооны улсын Сочи, Москва хотуудад Хүүхдийн зуслангийн 11-р Олон улсын их хуралд Нийслэлийн хүүхэд гэр бүлийн хөгжлийн газрын даргын үүргийг түр орлон гүйцэтгэгч Ө.Ган-Өлзий, Нийслэлийн хүүхэд, гэр бүлийн хөгжлийн газрын хүүхдийн амралт чөлөөт цаг, орчны асуудал хариуцсан мэргэжилтэн Г.Ариунгэрэл, Монголын Үндэсний зуслангийн холбооны тэргүүн Т.Түвшин, гүйцэтгэх захирал Ч.Бямбасүрэн, Нарс зуслангийн захирал Ц.Туяасайхан, О.Түмэнжаргал, Т.Уянга, Мөрөөдөл зуслангийн захирал А.Цогтмагнай гэсэн 8 хүн Монгол улсыг төлөөлж оролцсон.
Дэлхийн бүх тивийг хамарсан хүүхдийн зуслангийн олон улсын их хурал нь 3 жилд нэг удаа зохион байгуулагддаг бөгөөд энэхүү үйл ажиллагаанд оролцсоноор бусад улс орны соёл, иргэншилтэй танилцаж, өөрийн орны хүүхдийн салбарыг сурталчлан таниулж, хүүхэдтэй ажиллах арга зүй, хүүхэд рүү чиглэсэн бодлогод туршлага солилцон, хүүхдийн зуслангийн хөгжлийн хөтөлбөрийн сургалтуудад хамрагдлаа.
Мөн олон улсын хамтын ажиллагааг өргөжүүлж Солонгос, Филлипин, Хонг конг, Хятадын зуслангийн холбоотой туршлага солилцон, Австрали, Оросын холбооны улсын Нова сибирски, Хятад улсуудтай хүүхдийн зуслан, хүүхэд хөгжлийн чиглэлээр хамтран ажиллахаар болсон.
IMG_3954

IMG_4010